किसान महासंघको अध्यक्षमा फेरी श्रेष्ठ निर्वाचित

काठमाडौं, ३० बैशाख । 
अखिल नेपाल किसान महासंघको सातौं राष्ट्रिय सम्मेलनले चित्रबहादुर श्रेष्ठलाई फेरी अध्यक्षमा चयन गरेको छ । महोत्तरीको बर्दिवासमा बुधबारराति सम्पन्न सम्मेलनले श्रेष्ठको अध्यक्षतामा १ सय ७५ सदस्यीय नयाँ कार्यसमिती सर्वसम्मत चयन गरेको हो । उपाध्यक्षहरुमा रामकुमार पौडेल, अगस्त अधिकारी, नारायण थापा, राधा तिमिल्सेना, राम ढकाल, ध्रुव ढकाल र रामधनी केवट चयन हुनु भएको छ ।  

यस्तै महासचिवमा विष्णुप्रसाद चौधरी निर्वाचत हुनु भएको छ ।  सचिवहरुमा नहेन्द्र खड्का, लेखराज रेग्मी, श्रीगोविन्द महर्जन, हरिनारायण महतो, टोप बहादुर खड्का, केपी बराल, महेश्वर फुँयाल चयन हुनु भएको छ । भने कोषाध्यक्षमा आनन्दराम फुँयाल निर्वाचित भएको महासंघले जनाएको छ ।