गच्छदार मोर्चा संविधान जारी प्रकृयामा सहभागि हुने
काठमाडौं, ३० भदौ । विजयकुमार गच्छदार नेतृत्वको संघीय लोकतान्त्रिक मोर्चा संविधानसभामा फर्कने भएको छ । नेकपा एमालेका अध्यक्ष के पी ओली र एकीकृत माओवादीका अध्यक्ष पुष्पकमल दाहाल प्रचण्डसँगको अनौपचारिक छलफल पनि फोरम लोकतान्त्रिक, राष्ट्रिय मधेस समाजवादी पार्टी र फोरम गणतान्त्रिकको मोर्चा संविधान सभामा र्फकन तयार भएको हो । संविधानसभामा फर्कने सहमती भइसके पनि कसरी फर्कने भन्नेमा छलफल चलिरहेको श्रोतले जनाएको छ । मोर्चालाई आजैदेखि संविधानसभामा फर्कन दवाव परेको छ । तर श्रोतले भन्यो, फरक मत राखेर आजैदेखि जानेकि संविधानको एकीकृत मस्यौदा पारित गर्ने बेलामा जाने भन्नेमा छलफल चलिरहेको फोरम लोकतान्त्रिकका नेता एवं सभासद् डाक्टर बाबुराम पोख्रेलले बताउनु भयो । संविधानसभामा तीन दलीय मोर्चाका १७ जना सभासद छन् ।१६ बुँदे सहमतीका हस्ताक्षरकर्ता गच्छदारले तीन दलले पेलेर अगाडि बढ्न खोजेको भन्दै भदौ १९ गते संविधान सभाबाट बाहिरिने निर्णय गर्दै संविधान निर्माणको कुनै पनि प्रक्रियामा भाग नलिने घोषणा गर्नुभएको थियो । संविधानसभाबाट बाहिरए लगत्तै गच्छदारले तीन दलीय मोर्चा गठन गर्नुभएको थियो । अव गच्छदार नेतृत्वको मोर्चा पनि संविधानसभामा फर्के पछि अन्य मधेसवादी दललाई सहमतीमा आउन दवाव पर्ने देखिएको छ ।
