प्रचण्ड र गच्छदारबीच भेटवार्ता
काठमाडौं, २६ भदौ । एकीकृत नेकपा माओवादीका अध्यक्ष पुष्पकमल दाहाल प्रचण्ड र मधेसी जनअधिकार फोरम लोकतान्त्रिकका अध्यक्ष विजयकुमार गच्छदारबीच भेटवार्ता भएको छ । बिहान भएको भेटमा वार्ताका माध्यमबाट समस्या समाधानका लागि आग्रह गर्दै माओवादी अध्यक्ष प्रचण्डले असहमतिका साथ संविधानजारी गर्नुपर्ने बाध्यता रहेको बताउनु भयो । आन्दोलनरत शक्तिका जायज माग सम्बोधन गर्न आफूले पहल गरिरहेको भन्दै उहाँले गच्छदारलाई सहमतिमा आउनका लागि आग्रह गर्नुभयो ।स्रोतका अनुसार गच्छदार माओवादीको प्रस्ताव अनुसार पश्चिम तराईमा थारुवान थरुहट प्रदेशको सम्बोधन भए संविधान लेखन प्रकृयामा सहभागि हुनेछन । आजदिनभरमा कुरा मिलेमा बेलुकी औपचारिक वार्तागर्ने मुख्यतीनदलको तयारी छ ।
