एक सातामा ४ हजार सुझाव आए

टिकाराम तामाङ
काठमाडौ, ३१ असार ।

संविधानसभा, नागरिक सम्बन्ध तथा संविधान सुझाव समितिले एक साताको अवधिमा झन्डै ४ हजार सुझाव संकलन भएको जनाएको छ । आज सिंहदरबारमा पत्रकार सम्मेलन गर्दै समिति सभापति प्रमिला राणाले संविधान मस्यौदामाथि स्वदेश र विदेशमा रहेका नेपालीहरुबाट ३ हजार ८ सय सुझाव आएको जानकारी गराउनुभयो । टेलिफोन, वेबसाईट, ईमेल, फ्याक्स, हुलाक र सचिवालयमा सिधै दर्ता गरेर आज दिउँसोसम्म सुझाव दिइएको सभापति राणाले बताउनुभयो । सुझाव समितिले असार २४ गतेदेखि काम थालेको थियो । समितिका अनुसार टोल फ्री नम्बरबाट एक हजार पचास, वेभसाइटमार्पmत् एक हजार पाँच सय साठी, इमेलबाट एक हजार एक सय दश, अठ्ठाइस वटा फ्याक्स र सचिवालयमा १६ वटा सुझाव छन् । विदेशबाट मात्रै पाँच सय त्रिचालिस वटा सुझावहरु आएको समिति सभापति राणाले बताउनुभयो । सभापति राणाले संविधानको मस्यौदामाथिको सुझाव संकलन अहिलेसम्म उत्साहप्रद रहेको भन्दैे सबैलाई सुझाव राय दिन आह्वान गर्नुभयो ।

समितिले दलका शिर्ष नेताहरुलाई आफ्नो निर्वाचन क्षेत्रमा सुझाव संकलन गर्न जान आग्रह गरेको छ । प्रधानमन्त्री, संविधानसभाका अध्यक्ष र उपाध्यक्षबाहेक सबै सभासद्लाई निर्वाचन क्षेत्रको जिम्मेवारी दिईएको छ । संसद् सचिवालयका कर्मचारी भने २६ असारदेखि ७५ रै जिल्लामा दुई–दुई जनाको दरले खटिसकेका छन् ।