चिर्पटले हानेर बुबा र ठुलो बुबाको हत्या, आमाहरु घाइते

काठमाण्डौं । 
लमजुङमा छोराको कुटपीटबाट घाईते भएका दुईजनाको आज बिहान मृत्यु भएको छ । लमजुङको बाँझोखेत—१ का ३६ वर्षीय तीर्थबहादुर घलेले गएराती ढोकाको आग्लो र दाउराको चिर्पटले हिर्काएर घाईते बनाएका आफ्नै बुबा ७६ बर्षीय मीनबहादुर घले र ठुलोबुबा ८४ बर्षीय धनबहादुर घलेको मृत्यू भएको हो । आमा ७६ बर्षिया बरिदी घले र ठुलीआमा ६६ बर्षिया हिमचुली घलेको उपचार भैरहेको छ ।

मीनबहादुर, धनबहादुरलाई थप उपचारका लागि चितवन लगिएकोमा चिकित्सकले उपचार सम्भव नभएको बताएपछि घर फर्काउने क्रममा दुवै जनाको मृत्यु भएको लमजुङका प्रहरी नायब उपरिक्षक डिएसपी शम्भु ढकालले जानकारी दिनुभयो । घाईते हिमचुली र बरिदीको अहिले बेसीसहर सामूदायीक अस्पतालमा उपचार भईरहेको छ । अभियुक्त तीर्थबहादुरलाई गएराती नै पक्राउ गरी अनुसन्धान भैरहेको डिएसपी ढकालले बताउनुभयो । उनको पहिलेदेखी नै मानसीक सन्तुलन ठिक नभएको बताईएपनि पुष्टि भईनसकेको प्रहरीले बताएको छ ।