हत्याका अभियुक्तहरु पक्राउ

काठमाण्डौं, फागुन १८ । कञ्चनपुरको झलारी पिपलाडीमा रेष्टुराँ सन्चालकको हत्या गर्ने ४ जनालाई प्रहरीले आज सार्वजनीक गरेको छ । प्रहरीले सार्वजनीक गरेकाहरुमा झलारी पिपलाडी नगरपालीका— ११ का १८ बर्षिय सुरज साउद, सोही ठाउँका २० बर्षिय राकेश रावल, पिपालाडी—१ का १८ बर्षिय कृण्ण साउद र १७ बर्षका प्रदिप महरा रहेका छन् ।

कन्चनपुरको पिपलाडी नगरपालिका–११ कलुवापुरमा बैतडी होटल एन्ड रेस्टुराँका सञ्चालक ४० वर्षिय दामोदर अवस्थीको आईतवार राती घाँटी रेटेर होटलभित्रै हत्या भएको थियो । हत्यामा संलग्न चारैजनालाई प्रहरीले हिजो पक्राउ गरी आज सार्वजनीक गरेको हो ।

उनीहरुले होटलमा अत्यधिक मदिरा सेवन गरेपछि होटल सञ्चालक अवस्थीलाई नियन्त्रणमा लिई घाँटी रेटेर हत्या गरेको बताएको कञ्चनपुरका प्रहरी उपरिक्षक तुलसीप्रसाद अधिकारीले जानकारी दिनुभयो ।