सातौ फाल्गुनन्द गोल्डकपको उपाधी कर्णसिं सोनाम स्मृती ताप्लेजुङलाई

खविन लुइटेल 
पाँचथर, २ माघ । 
फिदिममा सञ्चालित सातौ फाल्गुनन्द गोल्डकपको उपाधी ताप्लेजुङको कर्णसिं सोनाम स्मृती क्लबले जितेको छ । आज डिफेन्डिङ च्याम्पियन फिदिम स्पोर्टीङ क्लबलाई २—० ले पराजित गर्दै ताप्लेजुङले उपाधि चुमेको हो । विजेता बनेसंगै ताप्लेजुङले १ लाख ११ हजार १ सय ११ रुपैया नगद, ट्रफि, मेडल र प्रमाण पत्र प्राप्त गरेको छ भने आयोजक फिदिम स्पोर्टीङ क्लबले ५५ हजार ५ सय ५५ रुपैंयामा चित्त बुझाएको छ । 

खेलको तेह्रौ मिनेटमा ताप्लेजुङका रजिन धिमालले गोल गर्दै आफ््नो टिमलाइ अग्रता दिलाए थिए । दोश्रो हापमा सुरुवातमै गोल रोक्ने क्रममा आयोजक फिदिमका खेलाडी नरेस सम्वाहाम्फेले आफ्नै पोष्टमा गोल गरेपछि ताप्लेजुङको अग्रता दोब्बर भएको थियो । ताप्लेजुङले दोश्रो हापमा डि एरियामा फल्ड पाएको पेनाल्टीको अवसर समेत सदुपयोग गर्न नसक्दा आयोजक फिदिमले खेलमा फर्कने मौका गुमाएको थियो । आयोजक फिदिम स्पोर्टीङका उत्कृष्ट प्रहारहरुलाई ताप्लेजुङका गोलरक्षक रवि थापाले रोकेका थिए । 

उत्कृष्ट गोलरक्षक समेत ताप्लेङका रवि थापा भएका छन् । उत्कृष्ट खेलाडी र सर्वाधिक गोेलकर्ता ताप्लेजुङकै रजिन धिमाल घोषित भएका छन् । फाल्गुनन्द गोल्डकपको सातौ संस्करण गत पौष २५ बाटपाँचथरको सदरमुकाम फिदिममा सुरु भएको थियो । खेलमा भारत सहित नेपालका गरि कुल ८ टिमका सहभागिता रहेको छ ।