माल्दिभ्स साफ च्याम्पियनसीपको सेमिफाईनलमा
काठमाण्डौं, पुस ११ । माल्दिभ्स भारतमा चलिरहेको एघारौं साफ फूटबलको सेमिफाईनलमा प्रवेश गरेको छ । समूह बी अन्तर्गतको आफ्नो दोस्रो खेलमा बंगलादेशलाई एकका विरुद्ध तीन गोलले हराउँदै माल्दिभ्स एक खेल अघि नै सेमिफाईनल पुगेको हो ।
सेमिफाईनल पुग्ने माल्दिभ्स पहिलो टीम हो । ४२ औं मिनेटमा अलि अस्फाकको गोलमा अग्रता लिएको माल्दिभ्सले ८७ औं मिनेटमा गोल खाएर स्तब्ध भयो । बंगलादेशका लागि हेमन्तो विश्वासले गोल गरे । तर त्यसको दुई मिनेटमै हसन नैजले दोस्रो र ईन्जुरी समयमा नासिदले तेस्रो गोल गरेपछि माल्दिभ्सले सेमिफाइनल यात्रा तय ग¥यो ।
पहिलो खेलमा माल्दिभ्सले भूटानलाई २–१ ले हराएको थियो ।
