नेपालको विर्सनलायक हार

काठमाडौं, १६ असोज । १९ बर्ष मुनिको ए.एफ.सी छनोट प्रतियोगिताको पहिलो खेलमा नेपालले इरानसँग लज्जास्पद हार ब्यहोरेको छ । गएराती भएको खेलमा नेपाल घरेलु टोली इरानसँग १०–० गोलले पराजित भएको हो । इरानले सुरुदेखि नै दबाबमा राखेको खेलमा नेपालले पहिलो हाफमा ५ र दोश्रो हाफमा ५ गोल खाएको थियो ।

नेपालले अब भोली कुबेतसँग र मंगलबार जोर्डनसँग खेल्नेछ । प्रतियोगिताका समूह विजेता १० टिम तथा उपविजेता उत्कृष्ट पाँच टिम र आयोजक बहराइनले आगामी बर्ष १९ बर्षमुनिको एएफसी च्याम्पियनसिप खेल्नेछन् ।