चिली भूकम्पमा पाँच जनाको मृत्यु, क्यालिर्फानियादेखि न्युजिल्यान्ड सम्म सुनामिको चेतावनी,(तस्बिर सहित)

काठमाण्डौ ३१ भदौ ।  

दक्षिण अमेरिकी देश चिलीमा गएको शक्तिशाली भूकम्पमा परि पाँच जनाको मृत्यु भएको छ ।  अन्य १५ जना घाइते भएका छन् । भूकम्पले राजधानी सेनटियागोमा कयौ घर भत्किएका छन् । सेन्टियागोबाट २ सय ४६ किलोमिटर उत्तरपश्चिममा पर्ने तटीय इलाकालाई केन्द्रबिन्दु बनाएर ८ दशमलब ३ रेक्टर स्केलको भुकम्प गएको बीबीसीले लेखेको छ ।

भूकम्पपछि त्यहाँको मौषम बिभागले त्यस क्षेत्रमा सुनामीको चेतावनी दिएको छ । शक्तिशाली भुकम्पपछि प्यासिफिक समुन्द्रमा सुनामी आउने भन्दै त्यस आसपासका क्षेत्रमा सर्तकता अपनाउन आग्रह गरिएको छ । अमेरिकाको क्यालिर्फानियादेखि न्युजिल्यान्ड सम्म सुनामी आउन सक्ने भन्दै सचेत गराइएको अन्तराष्ट्रिय सन्चार माध्यमले जनाएका छन् ।

अमेरिकी अधिकारीहरुले स्थानीय समय अनुसार साँझ ७ बजेर ५४ मिनेटमा भूकम्पको धक्का महसुस गरिएको बताएका छन् । भूकम्पको केन्द्र जमिनको सतहबाट पाँच किलोमिटर भित्र रहेको अधिकारीहरुको भनाई  छ । चिलीको शिक्षा विभागले बिद्यालय समेत बन्द गर्ने घोषणा गरेको छ ।

सन् २०१० मा ८ दशमलब ८ रेक्टर स्केलको भुकम्प जादा ५०० जनाको मृत्यु भएको थियो । 

फोटो– रोयटर्स