श्रीलंकाको रोमाञ्चक जित
काठमाडौं, ३० साउन । रङ्गना हेराथको घातक बलिङको मद्दतमा श्रीलंकाले भारतविरुद्धको पहिलो टेष्ट क्रिकेटमा रोमाञ्चक जित निकालेको छ ।
भारतलाई ६३ रनले हराउँदै श्रीलंकाले तीन खेलको श्रीखंलामा १–० को अग्रता कायम गरेको छ । देस्रो पारीमा १ सय ७६ रनको झिनो लक्ष्य पछ्याएको भारत ४९ दशमलब ५ ओभर खेल्दै १ सय १२ रनमै अलआउट भयो ।
तस्वीरः इएसपीएन
भारतका लागि अजिन्कय राहानेले ३६, शिखर धवनले २८, अमित मिश्राले १५ र इशान्त शर्माले १० रन जोडे । बाँकी खेलाडीले दोहोरो अंकको रन जोड्न सकेनन् ।
भारतलाई सस्तैमा समेट्ने क्रममा रङ्गना हेराथले ७ र थारिन्डु कौशलले ३ विकेट खसालेका थिए । भारतर श्रीलंकाबीचको दोस्रो टेष्ट भदौ ३ गते देखि सुरु हुनेछ ।
